【加油文】
好耐無分享過新聞，不過好有同感，同筆者一樣自己都係屋邨二代，學習時無資源嘅情況下（練習都無得買，唔好講恒常補習)考入大學，一班幾十人裡面好多名校生，當時新界人出城，先知咩叫名校。
名校畢業的人係唔同d(係學習資源、表達力同各學校文化離講係讚，所以有左小朋友先知點解家長咁緊張仔女入唔入到名校，當然壓力同競爭超大之類等等會係負面)，我會諗如果以前識得入讀名校就好了，我的成績會更上一層樓，課外活動又會豐富一點。
入到大學，好好彩得過獎學金，可以衝出香港，到英國同歐洲交流見識，當時又係同筆者一樣父母反對/有微言，不過我大個啦，唔去等幾時？（一提旅行，又想問幾時先去得吖....）
到而家睇住囝囝懶洋洋咁，有時都會羅羅嗦嗦，叫佢珍惜我比到佢嘅野，我細個時咩都無，... 結果當然唔會感受都啦，佢一出身已經唔係基層，暫時我只能教導佢做一個知足常樂的人，佢又真係好天真，由幼兒到而家基本上除左想我買某些心愛的書同公仔之外(唔買都唔會發皮四)，從來都無要求過我買野比佢，比如行玩具反斗城都真係行，睇完試玩下就走，呢方面係好乖。
講到尾，囝囝，你幾時發奮開竅讀書吖～ 😬
Search